‘O pianino
‘O pianino
Addò sta cchiù chill’ommo c”o pianino
ca me faceva sentere ‘e canzone
tutt’ ‘ e canzone ‘a Napule ‘e na vota!
I’ m’arricordo comme fosse ajere
quanno spuntava all’angolo d’ ‘o vico
na chiorma ‘e scugnizzielle sempe attuorno
e ‘a gente ‘a dint’e casa
‘a dint’e vasce, asceva fore
curreveno felici po sentì.
Sunava stu pianino, sunava
e ‘a voce ‘e Napule se spanneva po cielo
traseva dint’ ‘ case, traseva dint’o core.
Addò sta, addò sta cchiù stu tiempo bello!
Addò sta cchiù chist’ommo d’ ‘e canzone
ca nce purtava ‘o ppoco d’allegria.
Che pena ca me mette dint’o core
stu ciuccio ca se tira ‘a carrettella.
C’ ‘o giradische ‘a coppa:
Dio che cumpassione!
cheste nun so canzone, chiste nun è ‘o pianino.
Lascia un commento
Devi essere connesso per inviare un commento.