Cose ‘e sfizio
COSE ‘E SFIZIO
Int’ Napule ‘e na vota
Ce truvave ’a robba bona.
Tutte cose genuine
Tutta rrobba’ e poca spesa
“ ’e sciurille, ’e panzarotte”
“zeppolelle e pall’’ e riso”
si parlammo po de ppizze
‘e truvave ‘e tutte specie
“cecenielli, ‘a marenara”
“ ‘o ripieno. ‘a margherita “
E si stive senza solde
te magnava ‘a pizza fritta
e ‘a pavave ogge a otto.
Quanno ‘a famme te pigliava
Nun putive sta a penzà
T’arrangiave che “ sciuscelle”
Ca “ fresella” e ‘a “carnacotta”
‘e “castagne”, ‘e “spighe allesse”
‘o “cuppetto che lupine”
Quatto “cevese annevate”
Steve sempe quacche cosa
P’apparà matine e sera.
Ogge ‘e tiempe so cagnate
quanta rrobba nun se trova.
Si è rimaste quacchecosa
È rimasto pe turiste.
Lascia un commento
Devi essere connesso per inviare un commento.